شعر للبنات قبل الزواج

من طرف **Neno** الخميس يناير 13, 2011 12:44 pm

السلام عليكم يا حلوين
هلا وغلا بيكم
الموضوع باين من عنوانه
بس اباكم الاستماع والانصات
اترككم مع الشعر
ابدأ
لا تحسبين العرس توفي وكتكات
ولاتحسبينه توكس والا باونتي
ولا تحسبين العرس تصفيق وأصوات
وانتي على صوت الغطاريف همتي
ولا تحسبين العرس كوشة ولمبات
وانتي كما الطاووس فيها جلستي
ولا تحسبين العرس أحلام فالشات
ياما بنيتيها وياما هدمتــــــــــــــــي
ولا تحسبين العرس روحة وجيات
هيا أقضبي بيتك عسى ماانهبلتي
ليله سعيدة وانتي أحلى الجميلات
تشخص عيون الناس اذا حضرتــي
لا يخرب المكياج اذا دمعتــــــــــي
و(المسكرة) تحتاج لطف ومداراة
حتى يبان الزين اذا غمضتــــــي
و(الاسبريه) رشيه حتى البصيلات
مسك شعرك زين لو كان زدتي
وترى(المحدد) فن يحتاج رسمات
يبان رسمه زين اذا ابتسمتــــــــي
ترى العرس يابنيه ماهو شعارااات
تفنى مراسيمه وتبقيـــــــــن انتـــــي
ويبقى شريك العمر راعي الطويلات
هذا هو العرس الحقيقي عرفتـــــي؟
أول نصيحة لك حفظ الصلــــــــــوات
صلي العشا والفجر في كل وقتِ
وفي ليلة العرس الموفق وبالذات
ادعي الكريم الله اذا سجدتــــــــي
وللعاري لا ترضين عــــند الكوافيرات
ولبسك يملا العيـــــــــــن اذا لبستي
واللي على زوجك تحرضك مــــــــــــرات
أرجوك شوتيها شوتة بلنـــــــــــــــــتي
والصبر بالعشرة حتـــــــى على فتااات
يامحلا فعلتك يومــــــــــــــك صبرتـــــي
واذا حفظتِ السر مع المدااااااااااااااراة
زوجك ترى في عيـــــــــونه أنتِ كبرتِ
والسوق يعني هااااااااه وقت الضرورات
والا ترى زووووجك يدوووووووووّر لمفتي
زيدي الغطاا وكثــــــــــــري في العبايات
والله يرضى عنــــــــك اذا استترتــــــــي
أوصيك بالكبسه وكثرالايـــــــــــــدامات
حتى لو انك في سببها متنتــــــــــــي
وخلي الرجيم اللي فشل أكثرالمرات
سويــــــــــــه مرة وحدة اذا ولدتـــــــــي
أوراق شااااااااعرة ترسل أزكى التحيات
خصيـــــها بالدعوة اذا دعوتـــــــــــــــــي
************************************
وسلامتــــــــــــــــــــــــكم

شعر للبنات قبل الزواج T